చిట్టి పొట్టి సవ్వడితో
బడిలో తొలకరి
కంటి ఆకాశం పై
కలల మెరుపులు
తరాల చీకటిని చిల్చుకొని
తొలి చినుకులు తొలి అడుగై
చదువు విత్తనం నాటాయి
కొత్త పుస్తకం
కొత్త అక్షరం
అక్షరాల అల్లుకొని
పదాలు నడకలు నేరుస్తుంటే
చిట్టి మోముపై చిద్విలాసం
ఎదిగీ ఎదగని లేత ఆలోచనలకు
నవ వసంతం మలి అడుగై
ఆశల చిగుళ్లనల్లింది
కుతూహలం మొగ్గలు తొడిగింది
బట్టీ కంచెను దాటుకొని
పచ్చని ఫలాలకై అన్వేషణ
జ్ఞాన సుధా నిధి మూడో అడుగై
ముడుచుకున్న పాత ముద్రను
బద్దలు కొట్టింది
అక్కడ పోలికలేదు కొలతలు లేవు
తరతమ భేదం లేదు
ఉన్నదల్లా ప్రదర్శన ,ప్రశంస
చిన్ని మనసుకిపుడు
అందరికన్నా ముందే సూర్యోదయం .
No comments:
Post a Comment