poetry picture

దొంతులర్ర

దొంతులర్ర వరుసలుగా పేర్సిన కుండలతో నిండుకున్నదన్న మాటేలేని తిండిగింజలతో పల్లెతల్లి అన్నపూర్ణనిలయం దొంతులర్ర నట్టింట పెద్దనుండి చిన్న వరుసలుగా నిలబడి ఇంటిపెద్ద నాయనమ్మవైపు కుండలన్ని గౌరవంగా చూసేవి ఎందుకంటే కడిగి సున్నంతో అలికి పూదిచ్చి కుండలను నిండుముత్తైదువులను చేసేది నాయనమ్మనే కదా దొంగతనంగా అటుకులకై దొంతులర్రల కాలుపెట్టంగనే పోలీసులా ప్రత్యక్షం దొంతుల మట్టివాసనకై పోటీలుపడి అలికిన చేయికి ఆ జ్ఞాపకం వాసన మిగిలే ఉంది ఇరుకైన అర్ర అక్కచెల్లెండ్ల ముచ్చట వినడానికి విశాలమైన ఎదను పరిచేది దొంతులర్ర ఉమ్మడి కుటుంబ చిహ్నం తాత నాయనమ్మలతో పాటు దొంతులర్ర ఒక సజీవ మధుర దృశ్యం. శారదాహన్మాండ్లు.

విస్తరాకు

విస్తరాకు పచ్చటి మోదుగాకులు ఒకదానికొకటి క్రమంగా కుట్టుకున్న విస్తరి అన్నిరుచులను ఆప్యాయంగా ఆహ్వానిస్తుంది జీవితం వడ్డించిన విస్తరి కాదు ఆకుల్ని మనమే తెచ్చుకోవాలె. కుట్టుకోవాలె అందంగా వడ్డించుకోవాలె ఇది ఒక కళా కౌశలం నేను అనే ఆకుకు కుటుంబం, సమాజం, బంధువులు, స్నేహితులు,ఉద్యోగం,ఆత్మీయులు లాంటి అనేకానేక ఆకుల్ని ఆప్యాయంగా కుట్టుకోవాలె ప్రతి ఆకు లో కొంత భాగమే నీతో ముడిపడిఉంటుంది ప్రతి ఆకుకు స్వతంత్ర అస్తిత్వం ఉంటుంది నాది నేను ను పక్కన పెట్టి బంధాల ఆకుల సహకారంతో జీవితం విస్తరిని తీర్చిదిద్దుకోవాలి కష్ట సుఖాలలో చుట్టూబంధాలవైపు దృష్టి సారిస్తాం కానీ మన అనే ఆకు క్రిందనే మనను దృఢపరుస్తూ చివరి వరకూ తోడుండే మరో ఆకు కనబడకుండా ఉంటుంది ఆ ఆకే పరమాత్మ.

చెంగల్వ

చెంగల్వ బురదను ఒలుచుకుంటూ వికసించిన కలువ కుంట సామ్రాజ్ఞి చూపులను కట్టేసుకుందంటె అదృష్టం కాదేమో కష్టాలను చిలకడం కుళ్ళు కుచ్చితాల నడుమ నర్తించినా ఇసుమంత తాకకపోవడం దానికి బాగా తెలుసు అందుకే నిటారుగా నిలబడి ఒక సందేశం విసరుతుంది. శారదాహన్మాండ్లు.

ఉట్టి

ఉట్టి అమ్మ దాచిన 'కమ్మ"ను ఒడిలో మోస్తూ నట్టింట ఊగే ఉట్టి పల్లీయుల దృశ్య కావ్యం పిల్లితో సహా బాల్యమంతా చూపుల రాళ్ళు విసిరి తిన్న అమ్మ చేతి అమృతం మూతి చుట్టూ చిత్ర కావ్యం ముసి ముసి నవ్వులు మూతి ముడుపులో దాసుకొని లేని కోపాన నర్తిస్తూ విసిరిన తిట్లు ఓ అద్భుత పద్య కావ్యం భగవంతునికి చిలిపితనాన్ని నేర్పిన ఉట్టి అదే వారసత్వాన్ని బాల్యానికి అందిస్తూనే ఉంది. శారదాహన్మాండ్లు.

నోటు

బొడ్లె సంచిల పోకల డబ్బల దాచిన పాత నోటు దీని ముందర ఎన్ని కష్టాలు కండ్ల నీళ్ళు బొర్లి పొయినయి ఏండ్ల నాటిసంది ఎన్నుపూసోలె దైర్నమిచ్చె కాగుల గింజలోలె పానంకు నిశ్చింతమాయె బొడ్లె సంచిల బద్రంగ ఉన్నదనే పెయి మరిసి కునుకు తీస్తి గిప్పుడు గీ నోటు నడదంట మరి బత్కెట్ల నడుసుడు లోకంతీరు తెల్వని బతుకు గీ నోటు లెక్కాయె అంతా మంచికేనని పెద్దమనుసులంటున్నరు నోటుకు గింజలువోయి వస్తువు మార్పిడివస్తే నల్ల నోట్లుండయేమోంట! శారదాహన్మాండ్లు.

poetry picture

poetry picture

poetry picture

poetry picture

poetry picture

poetry picture

poetry picture

poetry picture

poetry picture

poetry picture

poetry picture

poetry picture

poetry picture

poetry picture

poetry picture

poetry picture

poetry pictury

poetry picture

poetry picture

కార్తీక కిరణం

వెచ్చనైన కిరణమిచ్చగించ జనులు
సూర్య సమము దీప కార్యమెఱిగి
వేగు చుక్క రీతి వెల్గుచూ కార్తీక
మాసమెంత దివ్య మాస మాయె.

చిచ్చుబుడ్డి

సరదా విసిరిన చెత్తను
ఏరుతున్న బాల్యం
దొరికిన కాలని టపాసుకు
ముఖం చిచ్చుబుడ్డీ అయ్యింది
టపాకాయల రూపంలో
కాల్చిన వేల రూపాయలు
వీధి బాల్యానికి కానుకైతే
ఓ నిండు జీవితం
దీపావళిలా వెలుగుతుంది.

టపాసు

అలుముకొన్న పొగతొ ఆవిరై పవనుడు
నడక తూలె నరుడి నడత వలన
నింపె కలుషితమును దీపావళి టపాసు
చెత్త నిండి పోయి చేటు కలిగె

దీప నాట్యం

తులసి ముందు శతవత్తుల దీపం
కాగడై జయోస్తు పలుకుతున్నది
నా చేతి హారతికి నాన్న కళ్ళల్లో
దీప ప్రతిబింబం
ఆనంద బాష్పమై మెరిసింది
చీకటి తెరపై దీప నాట్యం
ప్రేక్షక నక్షత్రాలు
వావ్ అంటుంటే
చిన్నారుల  కళ్ళల్లో
కాకరపువ్వొత్తుల  నవ్వులు
ఈ  వైభవం  చూడడానికి
లక్ష్మీ  దేవి  నడిచివస్తుంటే
దీపాల  వరుసలు
గౌరవవందనం  చేస్తున్నాయి
అమవస  నిషి  కాస్తా
పున్నమయ్యంది.
దీపావళి శుభాకాంక్షలు.
శారదాహన్మాండ్లు

దివిలె

కుండ మీది చేతి మెండైన శేవలు
దండి రుచులు గొల్ప వండునమ్మ
కమ్మదనపు పాత ఉమ్మడి ప్రేమలో
దివిలె పండుగెంతొ దివ్యమౌను

దివిలె

పొద్దు పొడుపు తోను పోటీలు పడుచును
చల్లదనపు స్నాన మెల్లరకును
ఉసిరి దీప కాంతి కొసరి వెలుగంగ
దివిలె పండుగెంతొ దివ్యమౌను.

పూరి గూటి నిశ్చింత లక్షల మేడలోదొరుకునా

పోలీస్

దసర

బంగరు మనసుల సంతోషం
ఆకు రెమ్మ  మురిసింది
పల్లె తల్లి పిలువ
వలస వెనుతిరిగింది.
అలాయ్ బలాయ్ ల
పలకరింపుతో
దసరా పండుగయ్యింది.