నమస్కారం నా పేరు శారదహన్మాండ్లు, నేను ఉపాధ్యాయురాలిని, మాది ఇందూరు జిల్లా. సాహిత్య పరిమళాలను ఆస్వాదిస్తూ సామాజిక సమస్యలపై స్పందనలను కవిత రూపం లో అల్లడం నా ప్రవృత్తి. సమాజం మనందరికి నివాసాన్ని అందించిన కల్పతరువు మూలాలను కాపాడడం ఫలాలను పంచుకోవడం సమానత్వం ప్రదర్శించడం మన భాద్యత,అందుకే నా స్పందనలను మీ ముందు ఉంచుతున్నాను ప్రతిస్పందనలను తెలియ చేయండి. ధన్యవాదాలు.
దోస్తానం (స్నేహం)
అడుగులో అడుగు
మాటలో మాట
మనసులో మనసు
ఎప్పుడు కలుస్తదో
అస్సలు తెల్వది
గంతే !
సుఖ దుఃఖాలు కాకెంగిలై
పంచుకునుడు మొదలైతది
బడిలో దెబ్బలైనా
బతుకు వడదెబ్బలైనా
నిబ్బరంగా నిలబడడానికి
తోడు నీడైతది
కన్నీళ్ళకు నవ్వులద్దడం
ఒక్క దోస్తానంకే తెలుసు
దోస్త్ తో మౌనం కూడా
మూగ భాషలాడతది
ఎన్ని సార్ల కచ్చి
ఎన్ని సార్ల దోస్త్
అయినా బాల్యం నుంచీ
దోస్తానం కంచెలా మారి
పహారా కాస్తనే ఉంటది
వయసుతో పాటు సాగుతూ
మరణం అంచుల వరకూ సాగే
దోస్తానమున్నోళ్ళు శ్రీమంతులే
దోస్త్ తో సాగే బతుకంతా
పైలమే.
డా. శారదాహన్మాండ్లు
Subscribe to:
Post Comments (Atom)
No comments:
Post a Comment