చెమట చిత్తడి

కాలం మారిందని ఎవరన్నారు 

తడవడంలో మార్పేమీ లేదు 

అప్పుడు వాన తో 

ఇప్పుడు చెమట తో 

చిట పట చినుకుల తో

పుడమి ముంగిట 

చిత్తడి  చిత్తడిగా 

ముగ్గులల్లాల్సిన వానమ్మ 

మూతి ముడిచింది 

మట్టి వాసన గుబాళింపుతో 

మురవాల్సిన మనసులు 

హా , హా కారాలతో 

చిరాకు పడుతున్నాయి

మేఘాల జలధారను 

ఆర్తితో గుండెకు హత్తుకొని 

విత్తంత ఆశను 

చిగురిపచేసే

భూతల్లి ఆశను అడియాశలై 

గుండెలు పగిలి పోతున్నాయి

రైతన్న ముఖంలో

భవిష్యత్తుపై ప్రశ్నగుర్తు 

విలయ తాండవంచేస్తుంది