పుస్తకం

 సృష్టి రహస్యానికి సాక్షం
మానవత్వ పుట్టుకకి స్థానం

నీలో అడుగు పెట్టగానే

అపరిచిత నేత్రాలు  

పరిచాయలకై చేతులు చాస్తాయి

ఆ పరిచయం ఆప్తమై

తనలోకి లాక్కొని

కొత్త ప్రపంచం లో

విజ్ఞాన  యాత్ర చేయిస్తుంది

నీ పేజీల గూడు మధ్యనే

గొంగళి సీతాకోక చిలుక అయ్యేది

నీ బోధ తలకెక్కించుకుంటే

మనసు నగ్నమై

తప్పొప్పుల దర్శనంతో

పునితమవుతుంది

నువ్వు జీర్ణమై

పల్లీ ల పొట్లమైన

నీ అక్షర హస్తాలు

ఓదార్పు పంచుతాయి

అలసిన తనువు

అక్షరాల్లో కనురెప్ప వాలడం

ఎంత హాయి

నీ ఎదపై నెమలీకై

మెరిసే

మనిషే  మనిషి .