భావోక్తి

      1. సీతాకోకలు కొమ్మలకుపూచాయి 

  పూలకి రెక్కలోచాయి 

---------------------------------------------------------------------------------------------

 

2. మనసు అడుగుల్ని లెక్కిస్తూ 

వెనక్కి వెళ్లిపోతే 

జ్ఞాపకపు ముద్రలు 

ఆర్తిగా హతుకుంటాయి 

----------------------------------------------------------------------------------------------

3.  ఓ జ్ఞాపకం  మల్లెల పూస్తే

ఓ జ్ఞాపకం ముల్లులా గుచ్చుతుంది 

జ్ఞాపకాల తోటలో 

విహరించని మనసేది 

----------------------------------------------------------------------------------------------

4. సందె పొద్దు

ఆకాశపు చెంపపై 

వెచ్చనైన 

దిష్టి చుక్క పెట్టింది 

-----------------------------------------------------------------------------------------------

5. హేమంత హిమ బిందువులు 

భూమాత నిండుగా నవ్వినా 

ముత్యపు పలు వరసలు 

----------------------------------------------------------------------------------------------

6. పాల బుగ్గల పసిడి పాప 

బడి లో నల్లని పలక పై 

తెల్లని అక్షరాలూ నేర్పుతూ 

-------------------------------------------------------------------------------------

7.  ముళ్ళ మధ్యన గులాబిని 

ఎందుకు సృష్టించావని 

వంద సార్లు ప్రశ్నించా 

ఎన్నేళ్ళ సావాసమైన 

సహజత్వం కోల్పోనిదని 

జవాబునందుకున్న 

---------------------------------------------------------------------------------------

8. పది పెద్ద చేతులు కలసి 

అన్యాయాన్ని భద్రంగా కాపాడడం చుశా 

న్యాయం రాల్చిన అశ్రు బిందువులకు 

నా కళ్ళనే చేతులుగా చేశా

------------------------------------------------------------------------------------  

 9. తీరని డబ్బు దాసోహం తో 

పిడచ కట్టిన నాలుక 

విశ్వాసాన్ని చుట్టి ముట్టాలని 

విశ్వ ప్రయత్నం చేస్తోంది 

---------------------------------------------------------------------------------------

10. సిరా  చినుకు 

కాగితపు నేలను తాకి 

పచ్చని అక్షరాల ఆకృతి 

కవితల పంటల్ని 

పండిస్తున్నాయి 

--------------------------------------------------------------------------------------